სკოლა შენი სახლია - შენ კი მისი პატრონი - დასუფთავების აქცია გვიშტიბის საჯარო სკოლაში

2016 წლის 20-21-22 სეტემბერს მსოფლიოს მრავალ ქვეყანაში ტარდება დასუფთავების ყოველწლიური საერთაშორისო კამპანია – “დავასუფთაოთ მსოფლიო” (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით.
გვიშტიბის საჯარო სკოლა ჩაერთო კამპანიაში „დავასუფთაოთ საქართველო“, რომელიც ტარდება პროექტის - ,,დავასუფთაოთ საქართველო (ფაზა III) ფარგლებში და რომელსაც ახორციელდებს არასამთავრობო ორგანიზაციათა კონსორციუმი – ,,საქართველოს მწვანეთა მოძრაობა/დედამიწის მეგობრები საქართველო, საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“, პროექტი ხორციელდება შვედეთის მთავრობის ფინანსური უზრუნველყოფით. გარემოსა და ბუნებრივი რესურსების დაცვის სამინისტროს მხარდაჭერით.

სკოლაში გაიმართა კონკურსი თემაზე: "სკოლა შენი სახლია, შენ  კი - მისი პატრონი", რომელშიც ჩაერთო სკოლის თორმეტივე კლასი, 142 მოსწავლე და 28 მასწავლებელი.

დასუფთავდა სკოლის 20467 კვადრატული მეტრის ფართობი.

მომზადდა ნიადაგი ახალი ნარგავების განაშენიანებისათვის.